Yinogyog nin magnitude 4 na linog an nagkapirang parte kan probinsya nin Sorsogon pasado ala 1:08 an hapon kasuudma, Enero 12/  Sa report kan Philippine Institute of Volcanology and Seismology (Phivolcs), an sentro kan linog naerehistro sa distansyang 27 kilometros sa sur na parte kan Virac, Catanduanes sa rarum na 0 kilometros asin tectonic an origin./Nairehistro man an intensity 3 sa Juban, Sorsogon, asin intensity 2 sa Virac, Viga, asin Bato sa Catanduanes maging sa Legazpi City./ Dae nin naerehistrong destroso asin aftershock sa siring na pagyogyog/

dagos ng nagkaigwa nin kambyada sa kontroberstyal na kometiba sa sanggunian panlunsod/ sa intrebista kan dzms sa programang logos brigada kinompirmar ni city councilor maria charo dichoso kan east district na paramientras na kakaputan ni konsehal danny deladia an binutasan na posisyon ni konsehal victorino daria matapos ining magresign bilang pamayo kan committee on franchise asin transportation/ paliwanag ni dichoso na katuyuhan kaini na dae magkaigwa nin problema asin magkaiga nin neutral ground sa binutasan na posisyon ni daria/ kinompirmar man ni dichoso na bako mismo sa executive department nagkaigwa nin problema o komplikadong sitwasyon sa alkalde an rason sa pagdemiter ni daria/matatandaan na sa naenot na intrebista kan dzms sinabi ni konsehal daria na garing dae na nin pordonde an saiyang pinagkakaputan na posisyon matapos na dae maipaotob an saiyang mga pinagsulong na ordinansa sa laog kan sanggunian panlunsod/

blanko pa man guiraray sagkod sa ngonian an mga awtoridad sa identipikasyon kan sarong lalaki na pinagkakarkulong nageedad nin 60 anyos matapos na matuparan na gadan sa pinagkokonstruher na central terminal sa brgy kan balogo sa esteng distrito kan ciudad nin sorsogon/ sosog sa report kan sor. city police, natuparan an bangkay kan biktima kan nakalihis na sabado, enero 7 na nakahigda sa irarum kan sarong poon nin mangga sa nasabing lugar/ ini nakasul-ot nin maroon na t-shirt na may tatak na skyman enterprises, maong na pantalon asin nakatsinelas/ pinagkakarkulong may langkaw an nasabing lalaki nin 5'6 asin may tattoo na kurikot na halas sa toong parte kan saiyang tuhod/

liwat na nagpatanid an sor. provincial disaster risk reduction sa mga namamanwaan orog na sa mga residentes na nageerok sa mga hararababang lugar na magingat sa posibleng pagrapado kan flashflood asin landslide/ ini dahilan sa mga namamatean na oran/ ini sa tahaw naman kan ipinalowas na abiso kan mga eksperto kan PAGASA na mamamatean pa sagkod sa mga masunod na aldaw an mga pagoran dara kan paros amihan/ sa ibong na lado, maging an mga personahes kan phil. institute of volcanology and seismologoy alertado sa tahaw kan mga namamatean na pagoran orog na sa ngonian na suminakat na naman sa apat na pagyogyog an saindang naerehistro sa palibot kan bulkan bulusan mantang padagos na nakabandera an alert level no. 1/

positibo an dept of trade and industry sorsogon na mas magiging magayon an bentahan asin negosyo ngonian na taon asin dae magkakaigwa nin darakulang pagturon sa presyo kan mga pangenot na barakalon orog na kun dae magkakaigwa nin sunod sunod na oil price increase/ sa intrebista kan dzms, sinabi ni DTI sorsogon consumer welfare division chief evelyn paguio na dapat man na makaaram kan mga sorsoganon nin pagpundar nin sadiring negosyo tanganing makatabang sa saindang mga pang-aro-aldaw na pagkabuhay/ enot ng inako kan DTI na naging matumal an bentahan sa mga groserya asin mga merkado dahilan sa grabeng tios kan panahon na naambagan pa kan paborobag-ong kondisyon kan panahon na nagresulta nganing matamad an nagkapira na maglowas asin mag-shopping.